Вашингтон Пекиннинг Тайван атрофидаги ҳарбий машқларидан жиддий хавотирда ва вазминликка чақирмоқда.
Бу ҳақда Давлат департаменти маълум қилган.
"Қўшма Штатлар Халқ Озодлик Армиясининг Тайван бўғози ва Тайван атрофидаги қўшма ҳарбий машғулотларидан жиддий хавотирда. Биз ХХРни вазминлик билан ҳаракат қилишга ва Тайван бўғозида тинчлик ва барқарорликка путур етказадиган ҳар қандай бошқа ҳаракатлардан қочишга чақирамиз. Бу минтақавий тинчлик ва фаровонлик учун муҳим ва халқаро ташвишга сабабдир”, дейилади баёнотда.
Давлат департаменти Қўшма Штатлар Хитойнинг ҳаракатларини кузатишда давом этишини ва иттифоқчилар ва ҳамкорлар билан мувофиқлаштиришни таъкидлади.
Баёнотда, шунингдек, Қўшма Штатлар “узоқ йиллик ягона Хитой сиёсатига содиқ қолиши” қайд этилган.
Хабар қилинганидек, Хитой Халқ озодлик армияси Шарқий жанговар қўмондонлиги душанба куни Тайван бўғозида, шунингдек, шимол, жануб ва шарқда армия, денгиз флоти, ҳаво кучлари ва ракета кучлари иштирокида “Қўшма ўткир қилич 2024Б” машқларини бошлади.
Қозоғистон Россия, Хитой, Туркия ва Марказий Осиё давлатларини ортда қолдирди
Украина бешта шаҳарни йўқотиш хавфи остида
Туркия, Эрон, Россия, Қатар, Миср, Иордания ва бошқа давлатлар Сурия бўйича қўшма баёнот берди
