АҚШ президенти Дональд Трамп Венесуэла ҳудудига зарба бериш ҳақида ўйламаслигини айтди.
Бу ҳақда Reuters агентлиги хабар бермоқда.
"Йўқ", деди Трамп Air Force One бортида журналистларга Венесуэла ҳудудига ҳужум қилиш режалари ҳақидаги саволга жавоб берар экан.
Трамп, шунингдек, Қўшма Штатлар ер ости ядро синовларини қайта тиклайдими, деган саволга бевосита жавоб беришдан бош тортди.
"Буни тез орада билиб оласиз", деди Трамп журналистларга.
Пайшанба куни АҚШ президенти америкалик ҳарбийларга 33 йиллик танаффусдан сўнг ядровий қурол синовларини зудлик билан тиклашни буюрганини эълон қилди.