Бугун 29 март, 2024 йил, жума

O'ZB

АҚШ Эрон билан ҳамкорлик қилган икки киши ва олти компанияга нисбатан янги санкцияларни жорий этди

АҚШ Эрон билан ҳамкорлик қилган икки киши ва олти компанияга нисбатан янги санкцияларни жорий этди

Пайшанба куни Америка Қўшма Штатлари Гонконгдаги иккита, Шанхай ва Дубайда жойлашган биттадан компанияларни қора рўйхатга киритди.

Улар Эроннинг миллий нефть компаниясига миллионлаб долларлик маҳсулотларни экспорт қилишда ёрдам берган.

АҚШ молия вазирлиги Гонконгда жойлашган “Triliance Petrochemical Co. Ltd” вa “Sage Energy HK Limited” Хитойда жойлашган “Peakview Industry Co Ltd” ва Бирлашган Араб Амирликларида жойлашган “Beneathco DMCC” компанияларига қарши санкциялар жорий этилганини маълум қилди.

Бундан ташқари, АҚШ ҳукумати яна иккита компания- Jiaxiang Industry Hong Kong Limited” ва “Chandong Oiwangwa Petrochemical Co Ltd”, шунингдек икки бизнесмен – Али Баяндриан ва Жиқинг Вангга нисбатан санкциялар киритди.

Жорий қилинган санкциялар мазкур компанияларнинг АҚШ ҳудудидаги барча активларини музлатиб қўяди ва АҚШ компаниялари ва жисмоний шахслар билан ҳамкорлик қилишларига тўсқинлик қилади.

Ушбу санкциялар АҚШнинг Эрон иқтисодиётига «максимал босим» уюштириш ҳаракатларининг сўнгги кўринишидир. Қўшма Штатлар бу билан Эроннинг ядровий дастури, минтақавий фаолияти ва баллистик ракеталарини чекламоқчи.

Manba: tarjumon. uz

Киритилди: 06:45 25.01.2020. Ўқилди: 1903 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

бир кунда ҳафтада бир ойда

Фикр билдириш учун қайдномадан ўтишингиз сўралади ва телефон ракамни тасдиклаш керак булади!