АПЛ. Фоденнинг дубли "Манчестер Сити"га "Лидс"га қарши жуда қийин ўйинда ғалаба келтирди, Ҳусанов захирада қолдирилди (ВИДЕО)

"Манчестер Сити" ўз майдонида АПЛ 13-туридан ўрин олган "Лидс"га қарши баҳсда ғалаба қозонди - 3:2.

"Шаҳарликлар" сафида Фил Фоден дублга эришди. Ярим ҳимоячи 1- ва 90+1-дақиқаларда гол урди. Яна бир гол 25-дақиқада Йошко Гвардиол томонидан киритилди.

Меҳмонлардан Доминик Калверт-Льюин (49) ва Лукас Нмеча (68) ўз ҳисобига гол ёздириб қўйди.

Ҳамюртимиз Абдуқодир Ҳусанов захирада қолдирилди.

"Манчестер Сити" (25 очко) АПЛда 2-ўринга чиқиб олди. "Лидс" (11) кетма-кет тўртинчи мағлубиятини қабул қилиб олди ва турнир жадвалида 18-ўринда бормоқда.

Параллел ўйинларда "Брентфорд" "Бёрнли"ни мағлуб этган бўлса (3:1), "Сандерленд" "Борнмут"дан устун келди (3:2).

АПЛ. 13-тур

29 ноябрь, 20:00

Манчестер Сити - Лидс - 3:2

Голлар: Фоден, 1 (1:0). Гвардиол, 25 (2:0). Калверт-Льюин, 49 (2:1). Нмеча, 68 (2:2). Фоден, 90+1 (3:2)

Фойдаланилмаган пенальти: Нмеча, 68’

Манчестер Сити: Доннарумма, Рубен Диаш, Гвардиол, О`Райли, Матеус Нунес, Гонсалес, Бернарду Силва (Мармуш, 89), Рейндерс (Шерки, 75), Доку (Стоунс, 90+6), Фоден, Холанн

Лидс: Перри, Стрейк, Родон, Джастин (Гудмундссон, 69), Богл, Ампаду, Груев, Танака (Ааронсон, 90+2), Ньонто (Бийол, 46), Джеймс (Калверт-Льюин, 46), Нмеча (Окафор, 82)

Огоҳлантиришлар: Матеус Нунес, 55. Бернарду Силва, 57. Гвардиол, 66. Доннарумма, 87 - Родон, 58