2022 йил 21 январь куни соат 09-30 ларда, Жалақудуқ тумани, Жанубий Оламушук шаҳарчаси, Иттифоқ МФЙ, Тикка кўчасидаги кўп қаватли уйлар жойлашган худуддан янги туғилган (қиз жинсли) чақалоқнинг жасади ташқи тан жароҳатларсиз топилган.
Мазкур ҳолат бўйича воқеа жойи туман прокурори, туман прокуратураси терговчиси, туман ИИБ бошлиғининг 1-ўринбосари, ЭКБ эксперти, вилоят суд тиббий экспертиза мутахассиси, ҳамда тезкор-тергов гуруҳи аъзолари иштирокида ходиса жойи ва чақалоқ жасади кўздан кечирилган.
Олиб борилган терговга қадар текширув давомида мазкур чақалоқни Жалақудуқ туман, Жанубий Оламушук шаҳарчаси, Навоий МФЙ, Бирлик кўчаси, 1-уй, 8-хонадонда яшовчи вояга етмаган 01.07.2004 йилда туғилган Шамшиддинова М. Р. қайд этилган манзилдаги яшаш уйининг ёнидаги қурилиши тугалланмаган бино ичида жорий йилнинг 20 январь куни соат 23:00 ларда ўлик холатда туғиб, чақалоқни жасадини ушбу бинонинг орқа томонига ташлаб кетганлиги аниқланган.
Ўзбекистон Республикаси Соғлиқни сақлаш вазирлиги суд-тиббий экспертизаси илмий-амалий маркази Андижон филиалининг дастлабки маълумотномасида туғилган чақалоқ ўлик хомила эканлиги аниқланган.
Чақалоқнинг ўлим сабабларини ҳамда баданларида тан жароҳатлари ёки уларнинг излари бор-йўқлигини аниқлаш мақсадида суд-тиббий экспертизаси тайинланиб, ижро этишлик учун вилоят суд-тиббий экспертиза бюросига юборилган.
Бош прокуратура матбуот хизматининг "Aniq.uz"га хабар беришича, марҳуманинг онаси турмушга чиқмаган, муқаддам судланмаган, миллати қирғиз.
Ҳозирда мазкур ҳолат юзасидан Жалақудуқ туман прокуратураси томонидан терговга қадар текшириш ҳаракатлари давом эттирилмоқда.
Афзал Рафиқов ўша машҳур овозини йўқотди. Нега? (ВИДЕО)
Ботир Қодиров Зоҳиршоҳ Жўраевни судга берди. Сабаби маълум (ФОТО)
Фарғонада пул беришни ваъда қилиб, ўсмир билан жинсий алоқа қилган йигит ушланди
