Ўзбекистон фуқароси Россия ҳудудида тушиб қолиш мақсадида ҳаракатланаётган поезддан сакради. Бу ҳақда Оренбург вилояти прокуратураси хабар қилди.
Қайд этилишича, ўзбекистонлик икки йил илгари миграция қонунчилигини бузганлиги сабабли Россия ҳудудидан чиқариб юборилган. Қолаверса, унга яна Россия ҳудудига кириш 5 йил муддатга тақиқланган бўлган.
Шунга қарамасдан, жорий йилнинг июль ойида 31 ёшли ўзбекистонлик Қозоғистон ҳудудида бўла туриб, Россия ҳудудидан транзит орқали ҳаракатланувчи поездга чипта харид қилган. Россия ҳудудидан ўтаётганда мамлакатда қолиш мақсадида ҳаракатланаётган поездан сакраган. Сўнгра Оренбург вилоятининг Соль-Илецк шаҳрида чегара хизмати ҳарбийлари томонидан қўлга олинган ва у айбига тўлиқ иқрор бўлган.
Унга нисбатан РФ ЖКнинг 322-моддаси 2-қисми (Россия давлат чегарасининг чет эл фуқароси томонидан ноқонуний кесиб ўтилиши) билан жиноят иши қўзатилган.
Ҳозирда тасдиқланган айблов далолатномаси судда кўриб чиқилиши учун Соль-Илецк туман судига юборилган.
Украина президенти Россия билан музокараларга тайёр эканини айтди
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
Зеленский Украина мудофааси қулаганини тан олди
