Лондон университети коллежи қошидаги Генетика институти профессори, швейцариялик тадқиқотчи Франсуа Баллу Россиянинг коронавирусга қарши вакцинани ишлаб чиқишга бўлган муносабатидан ғазабланганини айтиб, танқид қилди. Франциянинг Libération газетасига берган интервьюсида у бозорда жуда тез чиқарилган вакцина аҳоли учун хавф туғдириши мумкинлигини таъкидлади.
“Бу аҳмоқона қарор ва, энг аввало, хавфли. Пойгада ютиш учун COVID-19 вакцинаси яратилгани борасида қарор қабул қилинди", деди Баллу Россия президенти Владимир Путиннинг дунёда биринчи коронавирус вакцинаси рўйхатдан ўтказилгани тўғрисидаги фикрларига изоҳ бераркан.
SARS-CoV-2 коронавирусининг биринчи йирик ДНК тадқиқоти ҳаммуаллифларидан бирининг сўзларига кўра, агар эмлашдан кейин жиддий ён таъсири пайдо бўлса, у вакцина қабул қилганлар учун фалокатли бўлади. "Бу соғлиқни сақлаш сиёсатига ва умуман ҳукуматларга ишончсизликни янада кучайтиради", деди Баллу.
Россия нима учун барча халқаро меъёрлардан четга чиқиб кетиши ҳақида сўралганида тадқиқотчи бу "америкаликлардан бошланган буюк Ғарб демократияларини енгиб ўтиш" истаги билан боғлиқ, деб жавоб берди. "Бу безовта қилувчи динамиканинг бир қисми. Aгар Путин янги вакциналарга қизиқиш билдирса ва янги иттифоқ тузишга интилса ҳам, Трамп сингари у ўзини қутқарувчи сифатида кўрсатишни хоҳлайди”, – дея тушунтирди олим.
Маълумот учун, 11 август куни Путин коронавирусга қарши биринчи Россия вакцинаси рўйхатдан ўтказилишини эълон қилди. У фуқароларга 2021 йил январидан тақдим этилади. Путинга кўра, эмлаш ихтиёрий равишда ўтказилади.
Украина президенти Россия билан музокараларга тайёр эканини айтди
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
Зеленский Украина мудофааси қулаганини тан олди
