Ҳиндистонда олиб борилган клиник синовларнинг натижасига кўра, коронавирусни даволашда ундан тузалиб чиққан одамларнинг қонини бошқа беморларга қуйиш аввал ўйланганидек самарали эмас. Тузалган бемор қонида CОVID-19 га қарши антитаналар мавжуд бўлади.
Британияниг BMJ номли тиббий журналида жума куни чоп этилган тадқиқот натижаларидан маълум бўлишича, коронавирусдан тузалган бемор қони касалликдан ҳали соғаймаган одамларга қуйилганда у ўлим даражаси ва коронавируснинг оғир формасини камайтира олмаган. Ушбу тадқиқотда касалхонадаги 400 дан ортиқ бемор қатнашган.
“Ушбу тадқиқотда қон плазмасининг беморларда кичик самара бергани аниқланди. Лекин, улар касалликдан батамом ҳалос бўлишмади. Оддийроқ қилиб айтадиган бўлсак, қон плазмаси беморларга клиник фойда бермади” дейди Ридинг университетининг молекуляр микробиология бўйича эксперти Саймон Кларк.
АҚШ президенти шу йилнинг август ойида коронавирусдан тузалган беморлар қони орқали бошқа касалларни даволашни “тарихий ҳодиса” деб атаганди. АҚШ ва Ҳиндистон ҳукуматлари ўз ҳудудларида бу йўл орқали коронавирус беморларини даволашга рухсат беришганди. Бошқа мамлакатлар, масалан, Британия агар қон орқали CОVID-19 даволаш яхши фойда берса, ундан фойдаланиш учун донарлардан қон йиғяпти. Ҳиндистонда олиб борилган янги тадқиқот эса ушбу қарорлар самарасиз эканини кўрсатмоқда.
Иқтисодий жиҳатдан Молдова фақат Россия билан ҳамкорликда ривожлана олади
Россия қўшинлари Авдeевка шимоли-ғарбидаги Украина фронтини ёриб ўтди
Microsoft битта тасвирдан видео яратадиган янги нейрон тармоқни тақдим қилди
