Франциянинг Шези-Сюр-Марн коммунасидаги қариялар уйида яшовчи 102 ёшли аёл 92 ёшли қўшнисини ўлдиришда гумон қилина бошланди. Бу ҳақда France Info ахборот портали хабар берди.
Номаълум бўлиб қолишни истаган гумонланувчи қариялар уйи ходимларидан бирига “одам ўлдирганини” айтган. Ходима қурбонни каравотда жонсиз ҳолда топган, унинг юзида кўплаб лат ейиш жароҳатлари бўлган. Экспертиза қурбон бўғиш ва бошга уришдан ўлганини кўрсатган.
Айни вақтда гумонланувчи аёл психиатрик касалхонада қолмоқда. Мутахассислар аёлнинг ҳолатини баҳолаб, уни жиноий жавобгарликка тортиш мумкин-мумкинмаслигини аниқлаштиришмоқда.