Ана холос! Бухоролик ҳайдовчига нега 1 млрд сўмдан ортиқ жарима ҳақидаги огоҳлантириш хати келди? (фото)

Бухоролик ҳайдовчига йўл ҳаракати қоидаларини бузгани учун 1 миллиард сўмдан ортиқ жарима қўллангани ҳақида огоҳлаштириш хати келди.

Lacetti ҳайдовчисига келган жариманинг аниқ миқдори 1 миллиард 13 миллион 652 минг 19 сўмни ташкил қилди. Бланкада бу сумма рақам ва сўз билан ёзилган.

Ижтимоий тармоқлардан бу фотога кўплаб кулгили изоҳлар қолдирилди. Кимдир Ҳайдовчи вертолётни қувиб ўтган бўлса керак деб тахмин қилган бўлса, яна бошқаси Бу вип-тариф нархи, тўлайсан ва билганингча юраверасан дея шарҳлаган.

Фойдаланувчилардан бирига кўра, огоҳлантириш унинг танишига келган. Жариманинг миқдори нотўғри ёзилган бўлиб, компьютер унинг суммасига йил 2019 ни қўшиб қўйган.

Аслида жарима энг кам иш ҳақининг ярми 101 365 сўмни ташкил этган.