Америкалик аёл хот-дог ейиш бўйича рекорд ўрнатди

Америкалик Мики Судо аёллар ўртасида хот-дог ейиш бўйича Нью-Йоркда ўтказилган мусобақада 10 дақиқа ичида 48 ярим дона хот-дог еб рекорд ўрнатди.

Мики Судо ўтган йили 31 дона хот-дог ея олганди, рекорди эса 41 дона хот-дог ҳисобланади.

У 2014 йилдан буён аёллар орасида чемпионликни қўлдан бермай келмоқда.

Nathan's Famous Hot Dog Eating Contest мусобақаси Нью-Йоркда ҳар йили 4 июлда мустақиллик куни байрами муносабати билан ўтказилади.   

Хот-дог ейиш бўйича биринчи мусобақа 1916 йилда ўтказилган бўлиб, ўшанда ирландиялик Жим Маллен 12 дақиқа ичида 13 дона хот-дог еб ғолиб бўлган.