Бугун 29 март, 2024 йил, жума

O'ZB

Алишер Қодиров "мени сайламагансиз"ни изоҳлади: "Депутат блогернинг кундоши эмас"

Алишер Қодиров "мени сайламагансиз"ни изоҳлади: "Депутат блогернинг кундоши эмас"

Миллий тикланиш демократик партияси раҳбари Алишер Қодировнинг фикрича, депутат блогернинг кундоши эмас.

 

Хушнудбекни ҳурмат қиламан. У мен билган барча ҳолатларда ҳуқуқшунос сифатида, совуққонлик билан хулоса қилган... бугунги фикрини истисно деб ҳисоблаймиз.

1) Ҳар қандай сайловчи хоҳлаган депутатига эьтироз билдириши, таьна қилиши, гапириши мумкин, буни ким рад этади? Лекин ҳуқуқий жиҳатдан мени сайлов округимда яшамайдиган фуқаро менга нисбатан сайловчилик ҳуқуқлари-сайлаш ёки чақириб олишни ташаббус қилиш ваколатларидан фойдалана олмайди. Мен “...сайламагансиз, сайламайсиз ҳам” деганда шуни назарда тутганман. Такрорлайман, сиққанича гапирсин, эьтироз билдирсин, лекин “... бекор сайлаганман”, дея олмайди! Бу факт!

2) Депутатни халқ эмас, “солиқ тўловчи” боқади. “Халқ ҳокимиятнинг ягона манбаи” эканлиги — бошқа масала. Депутат ҳам солиқ тўловчи сифатида “боқишда” иштирок этади. Депутат ҳам текинхўр эмас, такрорлаб бошига урадиган. Унинг ҳам солиқ тўловчи сифатида “ойликка йиғиладиган сандиқ”да улуши бор. Ҳуқуқшунос сифатида буни “яхшироқ тепиш учун” ишлатиш бироз ғалатироқ.

Умуман, блогерлар томонидан депутатларни халқ душманига чиқаришга уринишни тушуниш қийин. Депутат блогерни кундоши эмас.
Бу ҳақида жиддийроқ ўйлаб кўриш керакдек, дея фикр билдирди Алишер Қодиров.

Киритилди: 18:10 18.02.2020. Ўқилди: 3881 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

бир кунда ҳафтада бир ойда

Фикр билдириш учун қайдномадан ўтишингиз сўралади ва телефон ракамни тасдиклаш керак булади!