Саида Раметованинг ўғли Азиз Раметов «Billur TV»га берган интервьюсида динни деб санъатни тарк этаётганларга ўз муносабатини билдирди.
Актёр санъат харом эмаслигини таъкидлаб, агар санат ҳаром бўлса Санъат ва маданият институтини ёпиб юбориш кераклигини қайд этган:
«Санъатнинг этаплари бор: иштонсиз чиқадиган этапи бор, инсонни яхшиликка чорлайдиган этапи бор. Санъат ҳаром экан, унда Маданият институтини ёпиб юбориш керак. Улар нега бемалол чиқиб санъат ҳаром экан, деяпти. Санъатнинг қайси этапи? Барибир, санъатдасиз-ку.
Мусиқа ҳаром деяпсиз-да, лекин мусиқа билан ё Раббий деб ашула айтяпсиз. Барибир, мусиқа садосида айтяпсиз-ку, у ҳам санъат-ку. Ундан кўра чиқиб, "ўртоқлар, мен бошқа шариатимиз, аёлларимиз иффатини бузадиган ашула айтмайман. Энди ҳамма айтдадиган наволарим, саловатларим Ё Роббий Аъламинга бўлади, яхшиликка бўлади" деса мен айтардим "ҳаа" деб...
Санъатдан кетаётган битта Жаҳонгир Отажоновнинг дипломи бўлган. Қолган ҳеч қайсисининг дипломи йўқ, санъатга дахлдор инсон бўлмаган. Кетиш керак бўлса, Улуғбек Қодировдек кетиш керак. Санъатдан кетган ‘Уммон’даги Шоҳрух, яна Шерзод Бин… улар санъатга дахлдор инсон эмас. Агар улар профессионал бўлганда, санъатнинг мақсади нима эканлигини биларди.
Санъат яхшиликни тарғиб қилиш учун яралган. Илтимос, бачкана санъаткорларга тегинглар, улар санъаткор эмас, бачкана. Хоҳлаганини қиляпти-да, санъат харом экан деяпти. Санъатни харом қилган сенку. Қайтараман, ҳозирги санъатдан кетдим, деганларнинг биттасининг ҳам дипломи йўқ».
