Аксарият немислар Бундесвернинг Германияни ҳимоя қилиш қобилиятига шубҳа қилмоқда

Аксарият немислар Бундесвер ҳарбий ҳужум бўлган тақдирда мамлакатни ҳимоя қила олишига шубҳа қилишади.

Бу ҳақда INSA институти томонидан Bild нашри учун ўтказилган сўров натижаларига асосланган ҳолда эълон қилинди.

Тадқиқотга кўра, респондентларнинг атиги 17 фоизи Германия армиясининг мамлакатни ҳимоя қилиш учун етарли имкониятларга эга эканлигига ишонишади. Респондентларнинг 72 фоизи қарама-қарши фикрда, яна 11 фоизи эса ҳали қарор қилмаган.

Бундан ташқари, респондентларнинг атиги 35 фоизи Германияга ҳужум қилинган тақдирда АҚШнинг ҳарбий ёрдамини кутишади. 43 фоизи Вашингтон бундай ёрдам кўрсатмаслигига ишонади.

Бундан ташқари, немисларнинг 50 фоизи Россия Германияга ҳужум қилишига ишонмайди. Респондентларнинг 38 фоизи бу сценарийдан хавотир билдирган, 12 фоизи эса жавоб бера олмаган.

1005 киши иштирок этган сўровнома 21-22 май кунлари ўтказилди.