14 ёшли актёр Жек Бернс вафот этди. Бу ҳақда Британиянинг “Metro” нашри хабар бермоқда.
Жек Бернс "Кўз олдида", "Бизлардан биримиз" ва "Мусофир аёл" каби телесериаллардаги эпизодик роллари билан танилган. Бундан ташқари, у балет раққоси бўлган - у нуфузли ўқув юртида таҳсил олган.
Жек Бернс ота-онаси билан Шотландиянинг Гренок шаҳрида яшар эди. Йигитнинг ўлими сабаби ҳозирча маълум эмас, аммо маҳаллий ҳуқуқ-тартибот идоралари далилларни синчковлик билан ўрганишмоқда.
12 октабр куни унинг дафн маросими бўлиб ўтди.