HH.ru платформасига кўра, Россия компаниялари Африкадан ишчиларни рекорд даражада жалб қила бошлади. Кўринишидан, Россияда кадрлар етишмаслиги бошқа қитъаларда “истеъдодларни” излашга мажбур қилмоқда.
2024 йилнинг биринчи ярмида Россия компаниялари иш таклиф этиши кескин ошган 10 та давлатдан 7 таси Африкада жойлашган. Масалан, Кенияда эълонлар сони 39 баробар, Зимбабведа 15 баробар, Камерунда эса 9 баробар ошди. Қайд этиш керак, россиялик иш берувчилар ниҳоят Африка қитъасининг “салоҳиятини” қадрлай бошлади.
Аммо россиялик иш берувчилар нафақат Африка аҳолисни жалб қилмоқда. Руслар, шунингдек, Албания, Покистон, Белгия, Исландия, Непал ва бошқа мамлакатларда вакансияларни фаол равишда жойлаштирмоқда. Бўш иш ўринлари сони бўйича Қозоғистон ва Белорусия етакчилик қилмоқда. Кўплаб бўш иш ўринлари Туркия ва Сербияда ҳам жойлаштирилган. Россия “глобал меҳнат миграцияси марказига” айланаётганга ўхшайди.
Таъкидлаш жоиз, вакансиялар аксарияти IT, СММга ўхшаш йўналишлар билан боғлиқ. Шунингдек, топ-10 лик ичида логистика, қурилиш, санъат ва ОАВдаги вакансиялар жой олган. Фикримизча, Россиянинг ўз профессионал кадрларини тайёрлаш ўрнига четдан мутахассисларни “импорт” қилишга ставка қилиши кўзланган натижани бермайди.
Шубҳасиз, ишчи қўллар етарли эмаслиги, туғилиш деярли йўқлиги - Москвани шундай “экстремал” чораларни кўришга мажбурлади.
