Маълумотларга кўра, спортчи аёллар Афғонистон–Покистон чегарасидаги, «Торкҳам» назорат-ўтказиш пунктида экани айтилган. Фавад Чаудри терма жамоа вакиллари мамлакатни Покистон визаси ва Афғонистон паспорти билан тарк этганини қайд этган. Аммо уларнинг сони ҳамда келажакдаги фаолияти қандай бўлиши ҳақида маълумотлар берилмаган.
Эслатиб ўтамиз, Афғонистоннинг бир неча собиқ футболчилари ҳам Афғонистонни тарк этганди. Улар Афғонистонда қолган спортчиларга босимдан қочиш учун ижтимоий тармоқлардаги профилларини ўчириб ташлашини, формаларини эса ёқиб юборишни тавсия қилганди.