Афғонистон муваққат ҳукуматининг қочқинлар ва репатриация масалалари бўйича муваққат вазири Халил Раҳмон Ҳаққонийнинг чоршанба куни ўз идорасида ўлдирилгани мамлакат ичкарисида ва хорижда кенг кўламли қоралашларга сабаб бўлди.
Ҳ.Р.Ҳаққоний мамлакат бошқарувидаги асосий шахс эди. У Афғонистон муваққат ҳукумати 2021 йилда АҚШ қўшинлари ўша йилнинг август ойида олиб чиқиб кетилиши ортидан ҳокимиятни қўлга киритганидан бери террор ҳужумида ҳалок бўлган биринчи вазирлар маҳкамаси вазири бўлди.
Ҳужум учун жавобгарликни "Исломий давлат" (ИШИД) экстремистик гуруҳи ўз зиммасига олди.
Ҳалокатли ҳужумда тўрт киши, жумладан Ҳаққоний ҳалок бўлди, яна тўрт киши, жумладан унинг қўриқчилари оғир яраланди.
Афғонистон муваққат ҳукумати ҳужумга кескин муносабат билдирган ва буни ИШИД билан боғлаган.
Афғонистоннинг собиқ президенти Ҳамид Карзай ижтимоий тармоқдаги постида ҲР Ҳаққонийга қилинган ҳужумни кескин қоралади ва унинг оиласига ҳамдардлик билдирди.
Бирлашган Миллатлар Ташкилотининг Афғонистонга ёрдам кўрсатиш миссияси (UNAMA) ҳам ҳужумни қоралаб, “барқарорлик йўлида терроризмга ўрин йўқ” дея, қурбонларнинг оила аъзоларига ҳамдардлик билдирди.
Айрим давлатлар ва халқаро ташкилотлар воқеани теракт деб атаб, қоралашди.
Украина душман учун «Жаҳаннам» тайёрлади
16 декабрь куни яна изғирин совуқ қайтади
Қўшма Штатлар Россияга қарши баёнот билан чиқди
