Ўзбекистон илк бор дзюдо бўйича катталар ўртасидаги жаҳон чемпионатига мезбонлик қилмоқда. Беллашувлар Тошкентдаги Humo Arena саройида бўлиб ўтади.
Умумий мукофот жамғармаси 1 млн еврони ташкил қилувчи XXXV жаҳон чемпионатида дунёнинг 87 давлатидан жами 584 нафар дзюдочи 14 та вазн тоифасида медаллар ҳамда Париж-2024 Олимпиадасининг қимматли рейтинг очколари учун татамига чиқишади.
Мусобақада иштирок этувчи барча мамлакатлар терма жамоалари, халқаро ташкилотлар делегациялари пойтахтимизга етиб келишган.