2021 йилнинг январь-июнь ойларида хорижий мамлакатлардан Ўзбекистонга жами кўчиб келганлар сони 992 нафарни ташкил этади. Ҳудудлар бўйича энг кўп келганлар сони Тошкент шаҳри (396 киши), Тошкент вилояти (370 киши) ва Қорақалпоғистон Республикаси (98 киши) ҳиссасига тўғри келади. Жиззах (5 киши), Самарқанд (6 киши) ва Хоразм (6 киши) вилоятларига нисбатан кам одам кўчиб келган.
Ўзбекистон Республикасига хорижий мамлакатлардан кўчиб келганларнинг асосий қисми Қозоғистон (35,9 фоизи), Тожикистон (21,6 фоизи), Россия (17,1 фоизи), Қирғизистон (6,3 фоизи), Туркманистон (4 фоизи) ва бошқа давлатлар (15,1 фоизи) ҳиссасига тўғри келади.