“Pfizer” Европага вакцина етказиб беришни вақтинча қисқартирмоқда

Коронавирусга қарши эмлаш учун ишлаб чиқарилган Pfizer/BioNTech препаратларининг Европанинг қатор мамлакатларига етказиб берилиши вақтинча камаяди.

Ушбу маълумотни Норвегия соғлиқни сақлаш институти тасдиқлади.

Аниқлик киритишича, етказиб бериш ҳажмини қисқартириш кейинги ҳафтадан бошланади. Институт маълумотларига кўра, бу мамлакатда йилнинг учинчи ҳафтасида 7,8 минг доза етишмаслигига олиб келади.

Бундан ташқари, институт ишлаб чиқарувчининг бундай қарори ишлаб чиқариш қувватларини модернизация қилиш билан боғлиқлигини тушунтирмоқда.