Роналду футбол тарихидаги энг яхши тўпурарнинг рекордини такрорлади

«Ювентус» ҳужумчиси Криштиану Роналду Италия чемпионатининг 17-турида «Сассуоло» (3:1) дарвозасини ишғол этди.

Бу португалиялик футболчи учун клублар ва миллий жамоадаги 759-гол бўлди. Шу тариқа Роналду футбол тарихида расмий ўйинлар доирасида энг кўп тўп киритган Австрия ва Чехословакия миллий жамоалари собиқ ҳужумчиси Йозеф Бицанга етиб олди. Бу – рекорд!

Эслатиб ўтамиз, Криштиану аввалроқ ушбу кўрсаткич бўйича футбол қироли Пелени (757) ортда қолдирганди.