Qashqadaryo viloyat hokimi Zoir Mirzayev Dehqonobod Kaliy zavodida viloyat tashkiloti rahbarlari va tuman faollari bilan bo‘lgan muloqotda murojaat qiluvchi, rahbarlar nazdida shikoyatchi deya qoralanuvchi fuqarolarga nisbatan qarashni o‘zgartirish lozimligini ta’kidladi. Bu haqda Dehqonobod tuman hokimligi axborot xizmati xabar berdi.
«Murojaat qilgan, shikoyat qiluvchi odamni yomon deymiz, ammo o‘sha inson o‘rniga o‘zingizni qo‘yib ko‘ring», – dedi Zoir Mirzayev.
Shuningdek, tashrifi davomida hokim bilan muloqot o‘tkazgan oqirtmaliklar hokimdan qishloq aholisi uchun QVP binosi va mahalla uchun idora qurib berishni so‘radi.
Qishloq aholisining aytishicha, mavjud QVP da zamonaviy tibbiy anjomlar mavjud bo‘lsa-da, bino talab darajasida emas.
QVP binosi 50 yil ilgari qurilgan. Mahallada esa umuman idora bo‘lmagan.
Hokim topshirig‘iga ko‘ra, oqirtmaliklar uchun 200 million so‘m evaziga QVP va 400 million so‘mga mahalla uchun idora qurib beriladi.
Zoir Mirzayev har ikkala bino ham Navro‘z bayramiga qadar foydalanishga topshirilishi lozimligini ta’kidlagan.
Ukraina prezidenti Rossiya bilan muzokaralarga tayyor ekanini aytdi
Zelenskiy Ukraina mudofaasi qulaganini tan oldi
Qirg‘iziston Moskvaning bayonotlaridan norozi
