G7 sammiti bo‘lib o‘tayotgan Germaniyaga tashrif buyurgan Yaponiya bosh vaziri Fumio Kisida global oziq-ovqat xavfsizligini qoplash uchun 200 million dollar ajratishga va’da berdi, deb yozadi NHK .
Yaponiya bosh vaziri va’da qilgan pul Ukrainaga, shuningdek, oziq-ovqat narxlarining keskin oshishidan jabr ko‘rgan Yaqin Sharq va Afrika mamlakatlariga yordam berishga mo‘ljallangan, deb xabar bermoqda telekanal.
NHK telekanali ma’lumotlariga ko‘ra, oziq-ovqat xavfsizligi G7 yetakchilari sammitida muhokama qilinadigan asosiy mavzulardan biriga aylangan.
G7 sammiti 26-28 iyun kunlari Bavariyada bo‘lib o‘tadi.