Bojxona to‘lovlarini chetlab o‘tishga bo‘lgan urinishlar bojxonachilar tomonidan o‘z vaqtida bartaraf etilmoqda.
Jumladan, xorijiy davlatdan yurtimizga olib kelingan avtobus Davlat bojxona qo‘mitasi Kontrabanda va bojxona qonunchiligi buzilishiga qarshi kurashish boshqarmasi xodimlari tomonidan belgilangan tartibda bojxona nazoratidan o‘tkazildi. Bu haqda Davlat bojxona qo‘mitasi axborot xizmati xabar bermoqda
Natijada, mazkur avtobus, hujjatlarda ko‘rsatilganidek, 2019 yilda emas, 2011 yilda ishlab chiqarilganligi aniqlandi va 760 million so‘m qo‘shimcha bojxona to‘lovlari hisoblandi.
Yuqoridagi holat yuzasidan bojxona organlari tomonidan surishtiruv harakatlari davom ettirilmoqda.