Yamanda muhojirlar qayig‘i cho‘kishi oqibatida halok bo‘lganlar soni 68 kishiga yetdi

Yaman qirg‘oqlarida cho‘kib ketgan muhojirlar qayig‘i qurbonlari soni 68 kishiga yetdi.

Bu haqda Xalqaro migrasiya tashkilotining Yamandagi missiyasi rahbari Abdusattor Esoyevga tayanib, Associated Press xabar berdi.

"Yaman sohillari yaqinidagi suvlarda yakshanba kuni qayiq ag‘darilib ketdi, natijada 68 nafar afrikalik muhojir halok bo‘ldi”, — deb yozadi agentlik.

Uning ma’lumotlariga ko‘ra, cho‘kishdan bor-yo‘g‘i 12 muhojir omon qolgan, qolganlari bedarak yo‘qolgan va o‘lgan deb taxmin qilinadi.

Eslatib o‘tamiz, avvalroq 20 kishi halok bo‘lgani xabar qilingandi.