Yaman vaziri: "Hutiylar davlat byudjetidan 103 milliard dollar o‘zlashtirgan"

2014 yilgi davlat to‘ntarishidan beri husiylar Eron loyihasini amalga oshirish uchun 103 milliard dollarga yaqin davlat resurslarini o‘zlashtirgan.

Bu haqda Yaman axborot vaziri Muammar al-Eriani ma’lum qildi.

Uning so‘zlariga ko‘ra, bu mablag‘lar davlat xizmatlarini yaxshilash yoki maoshlarni to‘lash uchun emas, balki urush va Tehronning "ekspansionistik loyihasi"ni moliyalashtirish uchun sarflangan.

Vazirning ta’kidlashicha, hutiylar “parallel iqtisodiyot” yaratgan, bu ularga harbiy amaliyotlarni davom ettirish imkonini bergan va mintaqa xavfsizligiga tahdidni kuchaytirgan.

Al-Eriani shuningdek, husiylarni Eron ko‘magida “uyushgan talonchilikda” aybladi, bundan maqsad Yamandagi vaziyatni beqarorlashtirish va strategik suv yo‘llari ustidan nazorat o‘rnatishdir.

Uning qo‘shimcha qilishicha, hutiylarning harakatlari qashshoqlikning kuchayishiga, oziq-ovqat va dori-darmon narxlarining keskin oshishiga va davlat xizmatlarining qulashiga olib keldi va bu mamlakatdagi gumanitar inqirozni yanada kuchaytirdi.