Xonanda Sevara Nazarxon Rossiya telekanallaridan biriga bergan intervyusida oilaviy hayot va o‘zaro munosabatlar haqidagi savolga javob berdi.
Moskva24 kanalining "Pravda24" dasturida chiqish qilgan Sevara dastur boshlovchisining "Qo‘shxotinlik holati yurtingizda uchraydimi? Bu holatga siz qanday qaraysiz?" degan savoliga javob berdi.
- Shaxsan men buni noto‘g‘ri deb hisoblayman. Chunki, menimcha inson bitta inson bilan yashashi kerak. Agar u bilan muammolari bo‘lsa, marhamat, ajrashsin v boshqasi bilan yashasin. Men biroz zamonaviy fikrlayman. Chunki bolalikdan shunday tarbiya ko‘rganmiz. Bog‘chada yevroguruhga borganman, keyin rus maktabda tahsil oldim. Oilada ham rus va o‘zbek tilida gaplashganmiz, - deydi xonanda.