Xitoy Tayvanga qarshi ehtimoliy harbiy operasiyani qo‘llab-quvvatlashga qodir yirik fuqarolik flotini safarbar qilmoqda — Reuters.
Agentlik kemalar harakati bo‘yicha kuzatuv ma’lumotlari va sun’iy yo‘ldosh tasvirlarini o‘rganib, tayyorgarlik ko‘lami Ikkinchi jahon urushidagi “Normandiya operasiyasi”dan ham oshishi mumkin, degan xulosaga kelgan.
Jurnalistlar yozgi harbiy mashg‘ulotlarda ishtirok etgan yuzdan ortiq fuqarolik kemalarining harakatini tahlil qilgan. Joriy yilning 17 avgust kuni sodir bo‘lgan bir epizodda 12 ta kema – paromlar va yuk kemalari Guandun provinsiyasi qirg‘oqlariga yo‘l olib, texnikani to‘g‘ridan to‘g‘ri qirg‘oqqa tushira boshlagan. Xitoy xalq ozodlik armiyasining mashg‘ulotlari chog‘ida yuk kemalaridan og‘ir harbiy texnikani shunday usulda tushirish ilk bor hujjatlashtirilgan.
Dengiz operasiyalari bo‘yicha ekspertlar bahosiga ko‘ra, Xitoyning harakatlari bosqin ssenariylarining aniq ishlanayotganini ko‘rsatadi. Texnikani tushirish uchun fuqarolik yuk kemalaridan foydalanish Xitoyning qirg‘oqda tezkor tarzda kuch joylashtirish imkoniyatlarini sezilarli kengaytiradi.
Kelayotgan hafta O‘zbekistonda sovuq havo kutilmoqda
Rossiya Sibir daryolari suvini Markaziy Osiyo bilan bo‘lishmaydi — olimlar fikri
Muhammad Saloh jazolanadigan bo‘ldi
