Xabi Alonso "Real"ning yangi mavsumdagi "yuragi" kim bo‘lishini aniqlab oldi

Madridning "Real" klubi bosh murabbiyi Xabi Alonso yangi mavsumda jamoaning almashtirib bo‘lmas futbolchisi kim bo‘lishini allaqachon hal qilgan.

Marca nashri xabariga ko‘ra, 42 yoshli ispaniyalik mutaxassis qo‘l ostida Orelyen Tchuameni "Real"ning yangi yuragi bo‘ladi. U tayanch yarim himoyada, zarurat tug‘ilganda markaziy himoyada o‘ynash qobiliyati tufayli Alonsoda katta taassurot qoldirgan.

"Qaymoqranglilar"ning yangi mavsumdagi ilk rasmiy o‘yin 19 avgust kuni "Osasuna"ga qarshi La Liga doirasida bo‘lib o‘tadi.