«Sevimli» telekanalining «Zamon» information dasturi muxbirlari Zangiota tumanidagi koronavirusga chalingan bemorlarni davolashga mo‘ljallangan kasalxonadan reportaj tayyorladi.
Kasalxonaning jonlantirish bo‘limidan tayyorlangan reportaj davomida ma’lum qilinishicha, bu yerda 70 dan ortiq bemorlarga tibbiyot xizmat ko‘rsatilmoqda. Ta’kidlanishicha, bemorlarga reanimasiya bo‘limida joy yetarli bo‘lmagani sabab, og‘ir ahvoldagi bemorlar boshqa palatalarda ham davolanmoqda.
«Ikkinchi reanimasiya bo‘limida ish shunday tashkil qilinganki, ko‘chadan eng og‘ir bemorlar — kislorodga muhtoj bo‘lgan insonlar, to‘g‘ridan-to‘g‘ri tez yordam orqali kelayotgan bemorlar uchun yordam ko‘rsatishga mo‘ljallangan. Har bir bemor uchun maxsus kislorod va o‘pkani sun’iy nafas oldirish apparatlari bor», — deydi Klara Pardayeva ismli shifokor.
Reportaj davomida koronavirusdan davolanayotgan bemorlar uchun yaratilgan sharoitlar haqida batafsil to‘xtailib o‘tilgan. Shifokorlar kasalxonadagi ahvol haqida so‘zlab, aholini kasallikka jiddiy yondoshishga chaqirgan.
Eslatib o‘tamiz, Zangiota tumanidagi yangi qurilgan yuqumli kasalliklar shifoxonasi 2 ming o‘ringa mo‘ljallangan, lekin uni 4 ming o‘ringacha transformasiya qilish imkoniyati bor. Koronavirusga qarshi kurash shtabi a’zosi Habibulla Oqilov 14 iyul kuni Zangiota tumanida koronavirus bilan kasallangan bemorlarni davolash uchun maxsus qurilgan kasalxona ochilganiga bir hafta bo‘lmasdan bemorlarga to‘lib bo‘lganini ma’lum qilgandi.
Iqtisodiy jihatdan Moldova faqat Rossiya bilan hamkorlikda rivojlana oladi
Iordaniya qiroli nega Isroilga yordam berdi?
Bu Putin uchun yomon kun - Kuleba
