O‘zbekiston hukumati mamlakat hududida Formula-1 musobaqasining bir bosqichini o‘tkazishni istamoqda. Bu haqda britaniyalik taniqli avtosport jurnalisti Jo Seyvud o‘zining shaxsiy blogida xabar bergan.
Seyvudning ma’lumotiga ko‘ra, O‘zbekiston vakili yaqinda bo‘lib o‘tgan Singapur Gran-prisi chog‘ida poygachilar bazasi hududida ko‘rinish bergan. Norasmiy manbalarga ko‘ra, aynan shu yerda Toshkent yoki mamlakatning boshqa shahrida Formula-1 poygasini o‘tkazish imkoniyati muhokama qilingan.
Ayni paytda Formula-1 bosqichlari Osiyo va Yaqin Sharqdagi sakkizta davlatda, jumladan, Bahrayn, Xitoy, Yaponiya, Saudiya Arabistoni, Ozarbayjon, Singapur, Qatar hamda Birlashgan Arab Amirliklari (BAA) o‘tkazib kelinadi. Agar O‘zbekiston ushbu ro‘yxatga qo‘shilsa, bu mamlakatning global avtosportdagi mavqeyini sezilarli darajada oshirishi mumkin.
Yurgen Klopp "Real"ga qanday talablar qo‘ygani ma’lum bo‘ldi
«London Chess Classic». Nodirbek Abdusattorov ketma-ket oltinchi g‘alabaga erishdi va g‘oliblikka juda yaqin turibdi
Rasman. JCH-2026 qur’a natijalari ma’lum: O‘zbekiston Portugaliyaning guruhidan o‘rin oldi
