O‘zbekiston terma jamoasi himoyachisi Rustam Ashurmatov uylandi

Janubiy Koreyaning «Kvanju» klubi va O‘zbekiston terma jamoasi himoyachisi Rustam Ashurmatov uylandi.

24 yoshli futbolchining nikoh to‘yi 1 dekabr kuni Toshkent shahrida bo‘lib o‘tgan. Bu haqda ijtimoiy tarmoqlar orqali qator futbolchilar ma’lum qildi va hamkasbiga tabrik yo‘lladi.

Rustam Ashurmatov «Bunyodkor» akademiyasi tarbiyalanuvchisi hisoblanib, 2015—2018 yillar mobaynida «qaldirg‘ochlar» safida to‘p surgan. 2019 yilda esa «Kvanju» safiga yo‘l olgan. Uning jamoasi 2020 yilgi mavsumda Key-Ligada 6-o‘rinni egalladi.