Futbol bo‘yicha O‘zbekiston terma jamoasi 19 noyabr, seshanba kuni JCh—2022 saralashining ikkinchi bosqichi doirasida Falastinga qarshi maydonga tushadi.
Uchrashuv Toshkentda bo‘lib o‘tadi. «Paxtakor» stadioni mezbonlik qiladigan bahs 17:00 da boshlanishi belgilangan.
Ma’lum qilinishicha, mazkur uchrashuvni bahraynlik hakamlar guruhi boshqarib boradi.
Bosh hakam – Navaf Shukralla. Unga qanotlarda hamyurtlari – Yosir Halil Ibrohim Abdulla Tulefat va Muhammad Jafar Muhammad Salmon yordam beradi.
Zaxira hakami – Ammar Ibrohim Hasan Mahfud.