Samarqand viloyati davlat soliq boshqarmasi tomonidan o‘tkazilgan nazorat tadbirida urgutlik yakka tartibdagi tadbirkor Farhod Rustamov o‘ziga tegishli savdo do‘konida spirtli ichimliklar bilan tegishli hujjatsiz savdo qilayotgani, Soyguzar mahallasida yashovchi Ibrohim Obloberdiyev savdo do‘koni oldida noqonuniy benzin savdosini yo‘lga qo‘ygani aniqlandi. Natijada ular tomonidan sotuvga qo‘yilgan spirtli ichimliklar va benzin daliliy ashyo sifatida olib qo‘yildi. Bu haqda "Xalq so‘zi onlayn" xabar berdi.
Shuningdek, Urgut tumani, Jozmon mahallasida istiqomat qiluvchi fuqaro Bunyod Meliyev beton plita va kafel tayyorlaydigan sex faoliyatini yo‘lga qo‘ygan. Lekin tegishli tartibda davlat ro‘yxatidan o‘tmagan. Bundan tashqari yashirin sexda 4 nafar fuqaroni norasmiy ishga yollangani ham ma’lum bo‘ldi.
Ayni damlarda jahon tarixidagi eng yirik dronlar hujumi amalga oshirilmoqda — CNN
O‘zbekistonda xayriya yig‘ish bo‘yicha rasmiy platforma ishga tushdi
O‘zbekistonlik yigit Suriyadagi jang maydonida o‘ldirilgani aniqlandi
