Turkmaniston Sanoatchilar va tadbirkorlar uyushmasi (TSTU) rahbari Aleksandr Dadayev hamkorlik bo‘yicha turkman-qirg‘iz hukumatlararo komissiyasining majlisida Qirg‘izistonga murojaat qilib, o‘zaro hisob-kitoblarda dollardan voz kechishga chaqirdi. Bu haqda Qirg‘izistondagi mahalliy OAV ma’lum qildi.
Bishkekda 16 sentyabr kuni bo‘lib o‘tgan majlisda chiqish qilgan Dadayev hisob-kitoblarni turkman manati va qirg‘iz somida amalga oshirishni taklif qildi. TSTU rahbarining ta’kidlashicha, uning mamlakati bozor munosabatlariga o‘tmoqda.
“Agar xususiy biznes 2008 yilga qadar 1% bo‘lgan bo‘lsa, hozir 64%ga yetdi. Bu bizning prezidentimiz olib borayotgan siyosat tufaylidir”, deya bayonot berdi Dadayev.
Milliy valyuta bo‘lmish som erkin konvertasiya qilinadigan Qirg‘izistondan farqli ravishda Turkmanistonda milliy valyuta bo‘lmish manatning kursi davlat tomonidan muvofiqlashtiriladi. Turkmanistonda AQSh dollarining rasmiy kursi 2015 yildan beri 3,5 manat bo‘lib kelmoqda.
Ukraina prezidenti Rossiya bilan muzokaralarga tayyor ekanini aytdi
Eron raketalarining aksariyati Isroilning Arrow mudofaa tizimi yordamida qo‘shni davlatlar ustida urib tushirilgan
Moskva Isroilning ehtimoliy hujumidan himoya qilish uchun Eronga zamonaviy qiruvchi va havo mudofaa tizimlarini topshirishi mumkin
