Keksa professor hamkasblariga dedi:
— Yaqinda tush ko‘ribman. Tushimda talabalarga leksiya o‘qiyotganmishman. Ko‘zimni ochib qarasam, haqiqatan leksiya o‘qiyotgan ekanman.
* * *
Sug‘urta kompaniyasi xodimi mijozdan so‘radi:
— Siz uchun mashinangiz qimmatliroqmi, xotiningizmi?
— Ahmoqona savollar berasiz-a! Albatta xotinim.
— Nega?
— Chunki mashinam xotinimning nomida.
* * *
Yigit va qizning birinchi uchrashuvi.
Yigit:
— Nega poshnali tufli kiydingiz? Zo‘rg‘a yurayapsiz-ku!
— Sizga bo‘yi uzun qizlar yoqadi deb o‘ylagandim.
— Yo‘q, menga aqlli qizlar yoqadi.
— Buning uchun, mana, ko‘zoynak taqib olganman.
* * *
Ona o‘g‘ilchasini urishayapti.
— Sen cho‘chqacha, hamma kiyimlaringni iflos qilib bo‘lding!.. Cho‘chqacha nimaligini bilasanmi?
— Ha, cho‘chqacha cho‘chqaning bolasi-da!