Tramp: "Putin bilan uchrashuvda odamlarning hayotini saqlab qolishga harakat qilaman"

AQSh prezidenti Donald Tramp Rossiya yetakchisi Vladimir Putin bilan Alyaskada bo‘lajak uchrashuvi Moskva va Vashington uchun muhim bo‘lishini aytdi.

Bu haqda u Oq uyda jurnalistlar savollariga javob berish chog‘ida aytib o‘tdi.

"Uchrashuvimizda nima bo‘lishini ko‘ramiz. Bu katta uchrashuv bo‘ladi, o‘ylaymanki, bu Rossiya uchun juda muhim bo‘ladi, bu biz uchun ham juda muhim. Bu biz uchun faqat ko‘p odamlarning hayotini saqlab qolishimiz ma’nosida muhim”, - dedi Tramp.

Shu bilan birga, Amerika rahbari dastlab Rossiyaning Alyaskada noyob yer minerallarini qazib olish taklifi ehtimoli haqidagi savolga javob berishdan bosh tortdi. Yana so‘rashganida, “bu mutlaqo ahamiyatsiz”, dedi. "Men odamlarning hayotini saqlab qolishga harakat qilaman", dedi u.