Toshkent— Qarshi — Toshkent yo‘nalishida aviaqatnovlar qayta tiklanadi

"O‘zbekiston havo yo‘llari" AJ tomonidan Toshkent — Qarshi — Toshkent aviaqatnovi qayta tiklanadi. Bu haqda kompaniyaning rasmiy saytida xabar berdi.

Ma’lum qilinishicha, joriy yil 2 noyabrdan boshlab "O‘zbekiston havo yo‘llari" AJ Toshkent— Qarshi — Toshkent yo‘nalishida aviaqatnovlarni qayta tiklaydi.

Parvozlar haftasiga ikki marta, seshanba va juma kunlari amalga oshiriladi.

Parvoz vaqtlari:

Toshkentdan uchish: 19:00
Qarshiga kelish: 20:00
Qarshidan uchish: 20:40
Toshkentga kelish: 21:40

Ma’lumot uchun: aviachiptalar narxi Toshkent-Qarshi yo‘nalishida 212 ming so‘mdan, Toshkent — Qarshi — Toshkent yo‘nalishida esa 373 ming so‘mdan boshlanadi.