Katta ko‘chada bir bolakay yig‘lab turardi. Milisioner kelib so‘radi:
— Nega yig‘layapsan?
— Adashib qoldim.
— Uy manzilingni bilasanmi?
— Ha.
— Qani, ayt-chi!
— Dada. Oyi. Ru.
— IYE, g‘alati ekan-ku manziling!.. Isming nima o‘zi?
— Adminstrator.
***
Teatr. Tomoshabinlar o‘z joylarini egallashmoqda. O‘rindiqlardan birida erkak oyoqlarini qo‘shni o‘rindiqqa, qo‘llarini yana boshqa bir o‘rindiqqa qo‘yib olgancha o‘tirardi. Joy egasi kelib dedi:
— Kechirasiz, bu joy meniki edi. Oyoq-qo‘llaringizni yig‘ishtirib olasizmi?
Jimlik.
— Menga qarang, joyni bo‘shating!
Jimlik.
Joy egasi uning yoqasidan g‘ijimlab baqirdi.
— Vey, eshitayapsanmi? Joyni bo‘shat dedim! Qayerdan kelib qolding o‘zi sen yaramas?
Erkak sekin ko‘zlarini ochdi-da, bazo‘r shivirladi.
— Balkondan tushdim...
***
Yigit qizga dedi:
— Yur, biznikiga borib choyxo‘rlik qilamiz!
— Istamayman.
Yigit uzoq vaqt yalingach, qiz rozi bo‘ldi. Ular dorixona yonidan o‘tib borishayotganda qiz dedi:
— Yuring, dorixonaga kirib chiqaylik!
— Nega?
— Choyga qo‘shib ichishga biror narsa olardik.