Tokio prefekturasi 2026 yilning yozida eskirgan elektr stansiyalarining bosqichma-bosqich to‘xtatilishi munosabati bilan elektr taqchilligiga duch keladi.
Bu haqda Nikkei gazetasi hukumat hisob-kitoblariga tayanib xabar bermoqda.
Nashrning qayd etishicha, TEPCO xizmat ko‘rsatuvchi mintaqada 2026 yilning iyul-sentyabr oylari orasida zahira quvvati sezilarli darajada kamayadi. Yaponiya standartlariga ko‘ra, barqaror elektr ta’minoti uchun elektr ta’minoti eng yuqori talabdan kamida 3% yuqori bo‘lishi kerak.
Biroq Iqtisodiyot, savdo va sanoat vazirligining hisob-kitoblariga ko‘ra, bu ko‘rsatkich iyul oyida 2,4 foizni tashkil etib, 2025 yildagi ko‘rsatkichdan 3,4 foiz punktga, avgust oyida esa atigi 0,9 foizga, 2025 yildagi ko‘rsatkichdan 6,3 foiz punktga past bo‘ladi. Sentyabr oyida elektr ta’minoti tizimining zaxira quvvati 2,7 foizni tashkil etadi, bu 2025 yildagi ko‘rsatkichdan 10,9 foiz punktga past.
Ta’kidlanganidek, taqchillikning kuchayishiga asosiy sabab – umumiy quvvati 2,56 GVt bo‘lgan eskirgan issiqlik elektr stansiyalarining bosqichma-bosqich foydalanishdan chiqarilishi yoki ta’mirlanishidir. Bundan tashqari, barcha reaktorlarni yopib qo‘ygan Fukusime-1 avariyasidan so‘ng TEPCO xizmat ko‘rsatish hududidagi atom elektr stansiyasida birorta ham energoblok qayta ishga tushirilmagan.
Muhojirlar orasida birinchi: Ukrainaga qarshi urushda Rossiya armiyasi safida jang qilayotgan o‘zbeklar soni ma’lum bo‘ldi
"Moskva yer yuzidan “supurib tashlanadi”
Qaynonasining go‘shtidan manti qilib, erini ham o‘ldirgan ayolga 12 yil jazo berildi
