Tojikistondagi fojia: sellofanga o‘ralgan va oldindan kavlangan qabrlar

Rasmiy ma’lumotlarga ko‘ra, Tojikistonda qariyb 3 ming kishi koronavirus bilan kasallangan, mingdan ortiq kishi davolangan, 46 kishi vafot etgan. Biroq, tojikistonliklar bu raqamlarga ishonishmaydi. Internetda aholi doimiy ravishda plastik qoplar ichida yaqinlarining dafn marosimidan olingan videolarni va selofan bilan qoplangan qabrlarning fotosuratlarini nashr etadilar.

"Koronavirus infeksiyasidan o‘lgan yana bir dafn marosimi bizniki bilan bir vaqtda bo‘ldi. Marhum «Guliston» mahallasidan edi. Shu kunlarda yana yetti yoki sakkiz qabr paydo bo‘ldi", deydi bir fuqaro.

Ijtimoiy tarmoqlarda yozilishicha, tojiklar selofan qoplangan qabrlardan mayitning koronavirus infeksiyasidan o‘lganini biladilar. Tojikistonda yangi qabrni biron bir narsa bilan qoplash odatiy hol emas. Shuningdek, qabristonlarda ilgari ko‘rilmagan hol: oldindan o‘nlab qabrlar kavlab qo‘yilmoqda.

Qabriston ishchilarining so‘zlariga ko‘ra, ilgari qabrlar dafn marosimidan oldin qazilgan, ammo hozir ular kuniga bir nechta qabrni oldindan qazishmoqda.

Din ishlari bo‘yicha qo‘mita vakillari dafn etishning yangi qoidalarini joriy etishdi. Hozir qabr Tojikistonda emas, Yaqin Sharqda qabul qilingan qoidalarga muvofiq qazilmoqda. Bu "Shom" deb nomlangan kichikroq va tezroq qaziladigan qabrdir. Ya’ni lahad qazilmay, o‘rniga qabr devoridagi kichikroq tokcha bilan cheklaniladi.

"Biz qabrlarni selofan bilan yopamiz, shunda kuchli yomg‘ir tufayli suv tushmaydi. Aks holda qabr o‘pirilib tushadi", deydi «Sari Osiyo» qabristoni direktorining o‘rinbosari Bahodur Safarov.

Odamlar ilgari hech qachon bunday dafn qilinmagan bo‘lishiga qaramay, bu koronavirus bilan hech qanday aloqasi yo‘q, deydi rasmiylar.

Tojikistonning qabristonlarida selofan bilan qoplangan o‘nlab yangi qabrlar paydo bo‘lmoqda. Kvtj.info veb-saytidagi norasmiy ma’lumotlarga ko‘ra, bugungi kunda Tojikistonda 297 kishi koronavirusdan vafot etgan. Bu rasmiy statistikaga qaraganda deyarli yetti baravar ko‘p.

Manba: azon.uz