Ukraina qurolli kuchlari tomonida jang qilgan Germaniya fuqarosi Belarusda o‘lim jazosiga hukm qilindi.
Bu haqda The Guardian Germaniya tashqi ishlar vazirligiga tayanib xabar bermoqda.
«Tashqi ishlar vazirligi va Minskdagi elchixona ushbu shaxsga konsullik yordamini ko‘rsatmoqda va uning manfaatlari yo‘lida Belarus hukumati bilan jadal ishlamoqda», — deyiladi xabarda.
Huquq himoyachilariga ko‘ra, erkak 2023 yil noyabridan beri hibsda saqlanmoqda. U Belarus Jinoyat kodeksining olti moddasi bo‘yicha ayblanmoqda.
