Tahlilchilar: “Neft narxi 30 dollarga tushishi mumkin”

Tahlilchilar neft narxlari 2021 yilning birinchi choragida 30 dollarga tushishini taxmin qilmoqda.

Bu haqda "Izvestiya" gazetasi xabar berdi.

Qayd etilishicha, neft narxi Yevropada va Qo‘shma Shtatlardagi lokdaunlar, shuningdek, Buyuk Britaniyada yangi xavfli koronavirus shtammining paydo bo‘lishi to‘g‘risidagi ma’lumotlar tufayli tusha boshlagan.

“QBF”ning yetakchi tahlilchisi Oleg Bogdanovning fikriga ko‘ra, kelgusi yilning birinchi choragida jahon bozorlarida salbiy “ssenariy” rivojlanishi mumkin.

“Xavflar o‘sib boradi, aktivlar bozori pasayadi, shu jumladan, neft ham. Biz narxlar tezda barreli uchun yana 30-35 dollarga tushib ketishini taxmin qilmoqdamiz”, dedi u.