Bugun 29 mart, 2024 yil, juma

КИР

Surxondaryo viloyati hokimiga yangi o‘rinbosar tayinlandi

Surxondaryo viloyati hokimiga yangi o‘rinbosar tayinlandi

Surxondaryo viloyati hokimi o‘rinbosari Alisher Amirov Sherobod tumaniga hokim etib tayinlangach bo‘sh qolgan lavozimga yangi o‘rinbosar tayinlandi.

Bugun, 22 oktyabr kuni Surxondaryo viloyati hokimligida faollar yig‘ilishi o‘tkazildi. Unda viloyat hokimi To‘ra Bobolov, Xalq deputatlari viloyat Kengashi deputatlari, hokimlik apparati mas’ul xodimlari, huquqni muhofaza qiluvchi idoralar, korxona va tashkilotlar rahbarlari ishtirok etdi.

Yig‘ilishda tashkiliy masala ko‘rildi. 

Surxondaryo viloyati hokimligi matbuot xizmati xabar berishicha, shu kungacha O‘zbekiston Respublikasi Iqtisodiyot va sanoat vazirligi huzuridagi Loyihalar va import kontraktlarini kompleks ekspertiza qilish markazi Qurilish bo‘yicha xarid va loyihaoldi hujjatlarini ekspertiza qilish boshqarmasi boshlig‘i lavozimida ishlab kelgan Ahmad Xudayshukurovich Suvonqulov viloyat hokimining sanoatni rivojlantirish, kapital qurilish, kommunikasiyalar va kommunal xo‘jalik masalalari bo‘yicha o‘rinbosari etib tayinlandi.

U bu lavozimda biroz avvalroq Sherobod tumani hokimi lavozimiga o‘tkazilgan Alisher Amirov o‘rnini egalladi.

Ahmad Suvonqulov 1968 yilning 7 noyabrida Jarqo‘rg‘on tumanida tug‘ilgan. 1994 yilda Toshkent davlat texnika universiteti, 2009 yilda Toshkent moliya institutini tamomlagan.

U turli yillarda Surxondaryo viloyati hokimligida kotibiyat mudiri, viloyat hokimligi «Yagona buyurtmachi xizmati» injiniring kompaniyasi direktori, Sho‘rchi tumani hokimining birinchi o‘rinbosari, O‘zbekiston Respublikasi Moliya vazirligi Investisiya boshqarmasi boshlig‘i o‘rinbosari va boshqa mas’uliyatli lavozimlarda faoliyat yuritgan.

Kiritildi: 20:30 22.10.2019. O'qildi: 1409 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!