Soliq qo‘mitasi texnik nosozliklar oqibatlari to‘liq bartaraf etilganini ma’lum qildi

Barcha soliq to‘lovchilardan noto‘g‘ri yechib olingan mablag‘lar avtomatik tarzda qaytarildi. Tadbirkorlik sub’ektlarining barqarorlik reytingida pasaygan ballari avvalgi holatiga tiklandi.

Qo‘shimcha savollar uchun “Qayta aloqa” tizimidan foydalanishingiz mumkin.

Biz tushunamiz, ushbu holat ko‘plab savollar va xavotir uyg‘otdi. Shu sababli zudlik bilan soliq to‘lovchilarda yuzaga kelishi mumkin bo‘lgan oqibatlarni minimallashtirish bo‘yicha choralar ko‘rildi. Kelgusida bunday holatlarning takrorlanmasligi uchun barcha choralarni ko‘ramiz. Sizning soliq xizmatiga bo‘lgan ishonchingiz va qat’iyatingiz biz uchun muhim, – Soliq qo‘mitasi Raisi Sherzod Kudbiyev.