Shveysariyaning Credit Suisse banki o‘z mijozlarini yo‘qotmoqda

Moliyaviy muammolarga duch kelgan va hozirda restrukturizasiya jarayonida bo‘lgan Shveysariyaning Credit Suisse banki joriy chorakning birinchi haftalarida tashkilotga ishonchsizlik tufayli mijozlarning o‘z hisob varaqlaridan mablag‘larni yechib olish qarori tufayli 88,3 milliard dollar yo‘qotdi, deb yozadi Bloomberg manbasi.

Eng katta mablag‘lar bank aktivlarining 10 foizini yo‘qotgan boylikni boshqarish bo‘limida kuzatildi. Depozitlar hajmining qisqarishi tufayli bank foiz daromadlarining bir qismini yo‘qotadi.

Ushbu fonda, to‘rtinchi chorakda Credit Suisse 2008 yil inqirozidan beri eng yomon moliyaviy natijani ko‘rsatishi va 1,6 milliard dollargacha zarar ko‘rishi kutilmoqda. Bankning ta’kidlashicha, yo‘qotish "moliyaviy faoliyatning sustligi, bozor kon’yunkturasi, mijozlar uzilishining davom etishi va asosiy bo‘lmagan aktivlarni sotish" bilan bog‘liq.

Pul mablag‘larini olib qo‘yishning aksariyati boy mijozlar, jumladan, Yaqin Sharq va Osiyodan kelgan badavlat oilalar tomonidan amalga oshirilgan, ular bankdagi vaziyat va kelajakdagi tarkibiy o‘zgartirishning noaniq parametrlaridan qo‘rqib ketishgan.

Ethos tahlilchisi Vinsent Kaufmanning ta’kidlashicha, Credit Suisse'dan investor va mijozlar ishonchini tiklash uchun avval e’lon qilinganidan ko‘ra jiddiyroq moliyaviy barqarorlik choralari talab qilinishi mumkin. «Xarajatlarni kamaytirish boshqa, biznesni rivojlantirish boshqa narsa. Ehtimol, ular ikkalasini ham qila olar, lekin buni amalda ko‘rsatish kerak, - dedi Kaufmann.

Shu bilan birga, bank bosh direktori Ulrich Kerner bank 2024 yilda albatta daromad olishiga ishontirdi.