Shohjahon Ergashev yangi yil oldi Yaponiyada jang qilishi mumkin

O‘zbekistonlik boksi Shohjahon Ergashev navbatdagi jangi haqida ma’lumot berdi.

Bu haqda charm qo‘lqop ustamizning o‘zi Instagram sahifasi orqali xabar berdi.

"Erta tongda Dima (Dmitriy Salita nazarda tutilmoqda*) promouterim qo‘ng‘iroq qilib, 31 dekabr kuni Yaponiyada jang qilish bo‘yicha taklif berdi. O‘ylanib qoldim, bir oydan kamroq vaqt bor, ulgurmasam kerak", deb yozgan Ergashev.

Ma’lumot uchun, 32 yoshli Shohjahon Ergashev faoliyati davomida 26 ta jang o‘tkazib, 24 ta g‘alaba va 2 ta mag‘lubiyat qayd etgan. U so‘nggi jangini iyul oyida Julian Smitga qarshi o‘tkazib, ochkolar hisobiga ko‘ra imkoniyatni boy bergandi.