Sevastopolda Rossiya dengiz flotining 300 yilligiga bag‘ishlangan yodgorlikni portlatish uchun qo‘lbola portlovchi qurilmadan foydalanishni rejalashtirgan erkak qo‘lga olindi. Bu haqda 27 noyabr kuni respublika Federal xavfsizlik xizmati (FSB) xabar berdi.
"Mahalliy fuqaro Ukrainani qo‘llab-quvvatlovchi turli internet-resurslarda joylashtirish uchun Rossiya Mudofaa vazirligining harbiy ob’ektlari va Ukraina Qurolli kuchlarining mintaqadagi raketa hujumlari oqibatlari haqida ma’lumot to‘plagan", — deyiladi xabarda.
Agentlikning qayd etishicha, qo‘lga olingan shaxs Ukraina millatchilik g‘oyasi tarafdori bo‘lgan. Jinoyatchi hibsga olindi.
Ko‘rsatmalarga ko‘ra, erkak portlovchi moddani tayyorlash uchun barcha kerakli qismlarni sotib olgan. U radio orqali boshqariladigan portlovchi moslamani yig‘ib, yodgorlikni portlatish niyatida bo‘lgan, biroq xavfsizlik kuchlari jinoyatning oldini olgan.
Avvalroq, 25 noyabr kuni FSB xodimlari Kaliningraddagi pravoslav cherkovida sodir etilgan teraktning oldini olgani haqida xabar berilgandi. Jinoyatni terrorchilik tashkiloti rahbarlari tomonidan yollangan o‘smir rejalashtirgan.
Kelayotgan hafta O‘zbekistonda sovuq havo kutilmoqda
Rossiya Sibir daryolari suvini Markaziy Osiyo bilan bo‘lishmaydi — olimlar fikri
Muhammad Saloh jazolanadigan bo‘ldi
