Bugun, 12 iyul kuni Sergeli tumanidagi qurilish uchastkasi hududida avtokran yonib ketgan. Bu haqda Toshkent shahar yong‘in xavfsizligi boshqarmasi xabar bermoqda.
Qayd qilinishicha, soat 11:49 da Sergeli tumanida 8-sonli arzon uy-joylar qurilish maydonida ishlayotgan avtokranda yong‘in chiqqan.
Yong‘inga yuqori voltli elektr o‘tkazgich va kran o‘rtasidagi tutashuv sabab bo‘lgani aytilmoqda.
Ya’ni kran yuqori kuchlanishdagi tok o‘tgan simga tegib ketgan. Yong‘in natijasida kran haydovchisi halok bo‘lgan.
Yong‘in sodir bo‘lgan joyga maxsus yong‘in uchiruvchilar guruhi 12:00 da yetib kelgan va shaxsiy tarkibning harakatlari natijasida yong‘in 12:34 soatda bartaraf etildi.
Yong‘inni bartaraf etish uchun 2 ta yong‘in uskunalari ishga tushirilgan.
Eron raketalarining aksariyati Isroilning Arrow mudofaa tizimi yordamida qo‘shni davlatlar ustida urib tushirilgan
Tojikiston chegarachilari yetti nafar afg‘onni otib o‘ldirdi
“Crocus City Hall” dagi teraktdan so‘ng Rossiya AQShga to‘g‘ridan-to‘g‘ri so‘rov yubordi
